ఉగాదికి స్వాగతం.. శ్రీరాముడికి జయం
తెలుగు వారి తొలి పండుగ ఉగాది. తెలుగు వారి తొలి పూజ శ్రీరామ నవమికే.. ఈ రెండు పర్వాలు చైత్రంలో వస్తాయి. శ్రీమన్నారాయణుని అవతారాల్లో మానవజాతికి అత్యంత హితమూ, ఆదర్శమూ అయినది శ్రీరామావతారం. సీతారామలక్ష్మణులూ, భరత శత్రుఘ్నులూ తెలుగు వారికే కాక, విశ్వమానవ కుటుంబానికే నిరంతర స్మరణీయ మూర్తులు శ్రీరాముని అరణ్యవాసం ఎక్కువ భాగం తెలుగునాటనే జరిగిందని అంటారు. రామావతార ప్రయోజనసిద్ధికి అవసరమైన బీజాలు ఇక్కడే మొలకెత్తాయి. అందరి హృదయాల్లో ఆనందమూర్తియై రమించే వాడు రాముడు. రామశబ్దం పరమాత్మ వాచకం