బోసి నవ్వుల దేవుళ్లు!
పసి మనసులు దైవంతో సమానం అంటారు. అందుకేనేమో.. ప్రేమను చూపితే పరవశించిపోతారు.. ఆకట్టుకునేలా చెబితే అల్లుకుపోతారు.. ఆప్యాయత కురిపిస్తే ఆనందాన్ని వర్షిస్తారు.. వెన్నుతట్టి ప్రోత్సహిస్తే.. ఇక మిమ్మల్ని వదలమంటూ వెన్నంటి ఉండిపోతారు. పిల్లలంటే ప్రేమకు తలవంచే పూలకొమ్మలు. సిరులొలికించే వారి నవ్వులు శరత్కాల వెన్నెలంతటి స్వచ్ఛం. నిర్మలమైన ప్రేమకు, నిష్కల్మషమైన మనసుకు పిల్లలు ప్రతీకలు. అటువంటి పసి హృదయాల్లో దేవుడు కాక మరెవరు నివాసం ఉంటారు. పక్షులు గూళ్ల నుంచి బయటకు వచ్చినపుడు కిలకిలరావాలతో ఆనందిస్తాయి. తిరిగి గూళ్లలోకి
