రుషి పీఠం
శ్రీలు పొంగిన పుణ్యభూమి అయిన భారతావనిలో అనితర సాధ్యమైన మహత్కార్యాలు చేసిన మహాత్ముడు అగస్త్య మహర్షి. అగస్త్యుని జన్మ నిజంగా చాలా విచిత్రమైనది. అగ్నిదేవుడూ, వాయుదేవుడూ.. ఈ ఇద్దరి అంశతో నిండుగా నీళ్లున్న ఒక పాత్రలో నుంచి పుట్టాడు అగస్త్య మహర్షి. అందుకే ఆయనకు కలశజుడు, కుంభసంభవుడు, ఔర్వశేయుడు, మిత్రావరణ పుత్రుడు, వహ్నిమారుత సంభవుడనే అనేక పేర్లు ఉన్నాయి. అగస్త్య మహర్షికి చిన్నతనంలోనే ఉపనయనం, ప్రణవ పంచాక్షరీ మంత్రోపదేశం వంటివన్నీ దేవతలే చేసేశారు.




