మన తెలుగు నాట పిల్లల మనో వికాసానికి చిన్ననాటే బాట వేసేవి.. అందమైన ఆటపాటలే. మన పిల్లల ఆటపాటలన్నీ సరదాకీ, కాలక్షేపానికీ మాత్రమే కాదు.. వారిలో వికాసం కలిగించేందుకే.. అటువంటి తెలుగింటి ఆటపాటల పరిచయమే… ఈ శీర్షిక
అక్కతోడా నీవు బండెక్కి వస్తే
ఆనందమౌతుంది అందరికి బావ!
మొలక నవ్వుల నిన్ను పలకరిస్తాను
అమ్మ నాన్నా నిన్ను ఆదరిస్తారు
చుట్టపక్కాలు నిను చూడవస్తారు
మేలైప వాడవని మెచ్చుకుంటారు
అక్కను నీ వెంట కొనిరాక బావ
బిక్కుబిక్కుమంటు ఒక్కడవు వస్తే
చిత్తమొల్లాదోయి క్షేమంబు లడుగ
మనసు పుట్టాదోయి మర్యాద చేయ
అక్క నుంచే గద బావ చుట్టంబు
ఆళ్ల నుంచే గద తిరుగలి చుట్టంబు
అన్న సామెత మనలో ఉన్నదంచూను
ఎరుగవోయీ నీవు వెర్రి మా బావ!
ఉండాలోయ్‍ ఉండాలి
ఫిలింకు పాట
పిల్లలకు ఆట
రాజుకు కోట
ఉండాలోయ్‍ ఉండాలి
అత్తకు నోరు
దేవుడికి తేరు
స్టారుకు కారు
ఉండాలోయ్‍ ఉండాలి
స్టేజీకి తెర
కత్తికి ఒర
చేపకు ఎర
ఉండాలోయ్‍ ఉండాలి
ఇంటికి అమ్మ
నిమ్మకి చెమ్మ
కొలువుకు బొమ్మ
ఉండాలోయ్‍ ఉండాలి
తలుపుకు గడి
దేవుడికి గుడి
అవ్వకు మడి
ఉండాలోయ్‍ ఉండాలి
జూదరికి పేక
గొడ్లకి పాక
గాంధీకి మేక
ఉండాలోయ్‍ ఉండాలి
అరవలకు పొగాకూ
ఆంధ్రులకు గోగాకూ
మలయాళులకు తేయాకు
ఉండాలోయ్‍ ఉండాలి
మామయ్య (గుగ్గిళ్ల పాట)
మామయ్యెంతో మంచోడే
మాటాడిస్తే నుంచోడే
నోట్లో నాలుక లేకున్నా
నూటికి సర్దారైనాడే
ఊరూ పేరూ లేకున్నా
ఉండిలే దిగమింగాడే
అట్టే పిలుపే లేకున్నా
అంగలు పంగలు వేస్తాడే
గప్పాలూరక కొడతాడే
తలుపూ మాటుకు లాగండే
తప్పెట దరువూ వేయండే
గోడా చాటుకు దీయండే
గుద్దుల బెల్లం బెట్టండే
తమ్మలపాకు లీయండే
సొమ్మూ సొట్రా లాగండే
మంచీ గంధం పూయండే
మానూ గాయను చేయండే
పని పాటంటే మామయ్యా
పాలుమాలెద వేమయ్యా
తిండీ తిప్పలకుండంటే
గండుబిల్లిలాగొస్తావే
చెయ్యని పెట్టని అయ్యలకే
రొయ్యల మీసం గావాలె
కావాలసిన పని చేయాలె
కడుపుకింత తిని తిరగాలె
మంచీచెడ్డలు తెలియలె
మారాజను పేరుండాలె
Review మరదలు మర్యాద.